ఓ “స్త్రీ” అందుకో నా ఈ అభిమాన నీరాజనం...

“స్త్రీ” ఈ పదం  పుట్టినప్పటినుంచి  వింటున్న పేరు... 
వరుని కట్నపు జ్వాలలో .... 
కల్మష ప్రేమతో మరిగే కాలకూట విషపు కషాయం లో కరిగి, కలిసి...
సగం తిన్న తన కలల్ని జ్ఞాపకాలుగా నెమరేస్తూ... 
సగం చచ్చిన ప్రాణాల్ని జొ కొట్టుకుంటున్నావు...!!!!!!
కష్టాల కడలిలో... బ్రతుకు సమరంతో....
కాంక్షా పురవీధుల ... ఎడారి ఎండమావుల ఆశాసూర్యుడు ప్రతిఫలింపక... 
చిరిగిన స్వప్నపు సంచిలో... చితికిన ఆదర్శాలను తలుచుకుంటూ... 
అర్ధాంగి ఆకారాన్ని అద్దంలొ వీక్షించుచూ ...
నిదుర పొతున్నావు...!!! 
సహనానికి  చెలికత్తెగా ... దుఃఖమనే  కలుపుమొక్కలను ఏరుతూ... 
అశ్రువులతో చేసే బ్రతుకు అనే వ్యవసాయమే “ స్త్రీ “... 
ఏరుకుంటుంది... పారేసుకున్న ధాన్యం కాదు... 
మోమున  జారే ఘర్మజలంబు కణాలలో...
పురుషుడి పరువు తాలూకు గుర్తులవే ...!!!
తనకన్ని తేదీలు గుర్తుంటాయి ... తన పుట్టినరోజు తప్ప...! 
ఎందుకంటే... జీవితపు  పొగలతో ఆమె బ్రతుకు  క్యాలెండరు మసి బారిపొయింది... 
నీ జీవితాన్నే మాకు మెతుకులుగా తినిపిస్తూ... 
పస్తులున్న శాశ్వతపు పడతిగా మిగిలిపొయావు.. ఒంటరిగా.. 
 ఒక్కటి మాత్రం ఇక్కడ నిజం ...  
మనిషి గతం లోనూ  " స్త్రీ " ఉంది... వర్తమానం లోనూ  " స్త్రీ " ఉంది.... 
భవిష్యత్తు లో కూడానూ  "పురుషుని" లో అన్నీ " స్త్రీ " అయి విజేతగా నిలుస్తుంది... ఈ కోమలాంగి....
ఈ సృష్టి అంతటా దుర్యోధన, దుస్యాసన, నరకాశురులే... 
మరి సత్యభామ రూపిణియై ఎన్ని యుద్ధాలు చేయ్యవల్సివస్తుందో...?? 
అందుకే ....ఓ స్త్రీ !! 
నీవు నిర్మించుకున్న ఈ ఆశావరూథములో... 
ధైర్యమే ఒక కవచంగా సాగుతున్ననీకు... 
అర్పిస్తున్నాను...ఈ అభిమాన నీరాజనం !!! 
సమర్పిస్తున్నాను... మమకార సిరుల స్వర్ణ చందనం... !!!!!

Bobby Nani​