ఈ చలిలో..

ఈ చలిలో.. 

పెదవులు రెండూ ఓ వెచ్చని స్పర్శ కోసం 

పరితపిస్తున్నాయి.. !!

చేతులు రెండూ 

దేన్నో అందుకోవడానికి 

ఆరాటపడుతున్నాయ్ .. !!

మనసేమో తన రాకకై 

తన పరిష్వంగములకై 

ఉవ్విళ్ళూరుతుంది ..!!

ఎంతకీ తను రాదే.. 

ఏంచేస్తుంది ?? 

తెల్లని పాల సొగసులలో... 

తనువంతా కరిగిపోయి .. 

తపనల తమకంతో...

నిలువెల్లా ఒదిగిపోయి.. 

వెచ్చని ఊపిరి ఆవిర్లతో.. 

మునివేళ్ళ మధ్య, 

బిగుతైన కౌగిలితల మధ్య నలుగుతూ..

అరచేతిలో ఇమిడిపోయి.. 

పై పైకి ఎగబాకి 

రెండు పెదవుల మధ్యకు 

ఆర్తిగా వచ్చి 

తియ్యగా, వెచ్చగా హత్తుకుంది..

నవనాడులు జివ్వుమని 

దేహమంతా పులకరించి 

కన్నులు రెండూ తన్మయత్వముతో 

రెప్పలు వాల్చెను .. !!

నిజంగానే ఆ సమయాన 

స్వర్గానికి బెత్తెడే ... బెత్తెడు దూరం.. !!

ఏది ఏమైనా కాఫీ చాలా బాగుంటుందబ్బా.. ;) :P 

Written by : Bobby Nani