ఎడబాటు

నా

తలపుల్లో నిలిచి వున్నది 

నీవై నప్పుడు 

ఎడబాటుకు అర్ధమేముంది ??

ఎద ప్రతిధ్వనించెనా 

అడుగు అడుగులో మెదిలే సవ్వడై 

ఒంటరితనమే నా చిరునామా..

పగలైనా రేయైనా నీ ఊహే 

నన్ను నాకు వివరించేది.. 

నను నిలువరించి వరించేది

యుగాల విరామంలో క్షణాలు గడుస్తున్నాయి 

అంతరంగాల్లో మనోభావాలే 

జ్ఞాపకాల కూనిరాగాలై నిలుస్తున్నాయి..

ఆకాశం చలి కాగుతుంది 

నా ఊపిరిలోని వెచ్చదనానికి

నిను జీవితంలా శ్వాసించని

ఈ నేలపై 

నా అడుగుల తడబాటు 

నీ ఊహల్లో నేను నేనుగా ఉండాలనే 

ఆవిర్లు విరజిమ్మే ఈ గుండె చప్పుడు 

ఆగేలోగా మరోసారి 

మరొక్కసారి 

నినుచేరాలనే 

ఆశ 

నా ఈ ప్రయాస..!!

Written by : Bobby Nani