అలిగిన ప్రియురాలిపై ఆ భావకుడు తన ప్రేమ మకరందాన్ని ఎలా చల్లుతున్నాడో చూడండి..

అలిగిన ప్రియురాలిపై ఆ భావకుడు తన ప్రేమ మకరందాన్ని ఎలా చల్లుతున్నాడో చూడండి.. 

ఇంతకీ ఇది చదివాకైనా ఆమె అలక మానుతుందంటారా ?? 

ఆ భావకునికి బాహువులలోకి ఆ చిన్నది ఒదుగుతుందంటారా.. ??

రాతి గుండె నీదే లేక్షణ ..!!

నల్లరాతి గుండె నీదే లేక్షణ.. !!

నన్నొంటరిగ జేసి నను విడిచిపోయావు.. 

కన కలలన్నిటినీ కల్లగా జేశావు 

బాస లేమాయనే .. ??

అలనాటి మన ప్రతిమ లేమాయనే..!!

నాటి మన ప్రణయమ్ము చూడ 

కొలనిలో తామరలు కలకలా నవ్వేవి.. 

తుమ్మెదలు రాగాలు తూలుతూ పాడేవి.. 

పొప్పొడుల రంగులతో పుడమి విప్పార్పేది.. 

చల్ల గాలులు రేగి సవ్వడులు చేసేవి 

కూయంటు దూరముగ కోకిలలు పాడేవి 

గగనమంతా నీలి కాంతులతో నిండేది.. 

మరి నేడు ..

నీవులేని బ్రతుకు నీడగా మారింది.. 

దారి తెలియని బాటసారినయ్యాను.. 

పాట లేమాయనే 

నాటి మన ప్రణయాటలేమాయనే.. !!

రెక్క విరిగిన పక్షి రిక్కవలె కూలాను.. 

కటిక చీకటిలోన కఱిగిపోతున్నాను..

అలక మానవే లేక్షణ..

అలలా చెంతచేరవే లేక్షణ.. !!

Written by : Bobby Nani