//// నా ఆరోవేలు \\\\
***************
నా చేతికి వున్నవి ఆరువేళ్ళు
ఆరోవేలికి గోరు లేదు..!
అయిదు వేళ్ళు ముడుచుకున్నప్పుడే
ఆరోవేలు కదులుతుంది...!
దానికి
కేశనాళాలు లేవు..!
రక్త ప్రసరణ జరగదు..!
దానిలో
భావపాదం పరుగులు తీస్తుంటుంది..!
ఆవేశపు విధ్యుత్తు
అక్షరావిరులను ఎగజిమ్ముతుంటుంది..!
కాగితం దాని క్షేత్రం..
కావ్యం దాని గోత్రం..
అది
రక్త బీజాలను నాటుతుంది..!
ఎర్రపూల మొక్కలుగా మొలిపిస్తుంది..!
అగ్నిఫలాలను కాయిస్తుంది...!
రక్తమనే నా సిరా తో,
లక్ష మస్తిష్కాలకు ప్రకంపనలను తెప్పిస్తుంది.. !
అప్పుడప్పుడూ అది
నా చేతినుంచి విడిపోతుంది..!
నా జేబు గుండెల్లో ఇమిడిపోతుంది..!
అక్కడ
ఆ ప్రాణంలేని నా వేలిలో
ఈ ప్రపంచం గుండె విశ్రాంతిగొంటుంది..!
అది నా కలం..!
అదే నాకున్న బలం..!
మరో ప్రపంచానికదే మూలం.. !!
నా రక్తం ఆవిరయ్యే వరకు ఈ కలం నర్తిస్తూనే ఉంటుంది.. !!!
Written by : Bobby Nani
No comments:
Post a Comment