"ప్రేమ" అంటే ఏంటి ??

"ప్రేమ" అంటే ఏంటి ?? 

తెలుసుకోవడం కోసం ఎంతో దూరం వెళ్లాను.. !!

ఎందరినో కలుసుకున్నాను.. !!!

అలా తెలుసుకునే మార్గ మధ్యంలో ...

ప్రేమంటే ఏమిటని ప్రశ్నించాను ??

గులాబీల వికసింపే ప్రేమయని 

ఉద్యానవనం అన్నది.. 

వసంత పర్వమే ప్రేమయని 

ఋతువు చెప్పింది.. 

పరిమళయుతము, శాశ్వతమైన పాటయే ప్రేమ అని 

కోకిల పలికింది..

నదీ ప్రవాహానికై ఆశతో ఎదురుచూసే లిల్లీయే ప్రేమని 

కడలి తెలిపింది.. 

అగ్ని స్వీకారమే ప్రేమని 

జాలరి నుడివినాడు...

మన జీవిత సౌరభమే ప్రేమని 

గాయకుడు వచించినాడు.. 

ముసుగులో సుందర దృశ్యమే ప్రేమని 

చిత్రకారుడు చెప్పినాడు.. 

దైవం ప్రసాదించిన ప్రాణాంతకమైన వరమే ప్రేమని 

ఆలోచనా పరుడైన తాత్వికుడు నిర్వచించినాడు .. 

కారగారాన్ని పుణ్యస్థలంగా భావించే చిత్రమైన ఆలోచనే ప్రేమని 

దేశభక్తుడు అన్నాడు..

మంటను చూస్తూ మరణానికి గురియయ్యే శలభమే ప్రేమని 

సాధువు పలికినాడు.. 

మరణం ఆసన్నమైనప్పుడు యౌవనుల కండగానుండు రక్షకుని చిరునవ్వే ప్రేమని 

త్యాగి ప్రవచించినాడు.. 

ఎడారి ఇసుకలో సుందరమైన అరణ్యాన్ని సృష్టించే వర్ణనే ప్రేమని 

కవి వర్ణించాడు.. 

స్వార్ధ చింతన నుంచి తప్పించుటకు స్వామి తగిలించే సంకెళ్ళే ప్రేమని 

జ్ఞాని ప్రవచించినాడు..

అనంతమైన త్యాగంతో సుందర నిర్మాణమును గావించు భగవంతుడి సమ్మేళనమే ప్రేమని 

యోగి విశదీకరించినాడు.. 

రెండు ప్రాణుల మధ్య ఏర్పడే చిరు బంధనమే ప్రేమని 

నాకు అనిపించింది... 

Written by : Bobby Nani