నీవు విడిచిన జ్ఞాపకాలు ...

నీవు,

నను వీడిన క్షణమున .. ప్రతీ 

క్షణమొక యుగమాయె .. 

నిశ్శబ్దం నాట్యమాడే నా 

హృదయ వేధికపై ..!!

గుండె బరువాయె.. !

అశ్రువులు నేల రాలె ..! 

గొంతు మూగబోయె .. !

చెవికి తాకిన ప్రతీ అందియల చప్పుల్లల్లో నీ 

అడుగులే వినిపిస్తున్నాయి.. !!

కనులారా గాంచిన నీ రూపమే,

కళ్ళముందు కదలాడుతోంది..!! 

నీ కురులనుంచి వెదజల్లే 

గంధపు పరిమళములే ఇంకా నా నాశికను అంటుకొని వున్నాయి.. !!

నీవు విడిచిన జ్ఞాపకాలే 

నను బ్రతికిస్తున్నాయి.. !!

అర్ధమౌతోందా నీకు.. !!

సాక్ష్యాలు చూపమంటావా .. !!

పెరట్లోని మన నవ్వుల పువ్వులు, 

నేడు ఎండుటాకులై పెళ పెళమని చప్పుడు చేస్తున్నాయి.. !!

మన అల్లరితో నిండిన వరండా, 

నేడు బూజుల ధూళితో బేవురమంటోంది..!! 

ముద్దు మురిపాలతో అలలారిన మన ఏకాంత గది 

నేడు కన్నీటితో ముద్దైన తలగడలతో బాధపడుతోంది.. !!

చిలిపిసరసాలతో నిలయమైన వంటగది 

నేడు సాలిగూడ్ల వశమైనాది .. !!

ఒకే దేహమైన మన స్నానాలగది

నేడు కన్నీటితో నిండిపోయింది.. !!

కరుణించి కదలివస్తావో ...

కారాగృహ బంధీని చేస్తావో .. 

నీ ఇష్టం.. 

ఈ విరహపు సంకెళ్ళు ఎన్నాళ్ళైనా భరిస్తా.. 

నీకై తపించే ఓ ప్రాణం ఇక్కడ మరణం అంచుల వరకు 

పురుడు పోసుకుంటూనే వుంటుంది.. !! 

గుర్తుపెట్టుకో.. 

నా మరణం ఎక్కడో లేదు.. 

నీవు విడిచే కన్నీటి బిందువులోనే ఉంది .. 

ఆ బిందువుని జారనివ్వకు .. !!!!

Written by : Bobby Nani