శ్రీమతికి ప్రేమలేఖ..

చాలా సున్నితమైన కవిత ఇది.. భర్త లోని సున్నిత భావాలను తియ్యగా భార్య హృదయానికి చేరవేసే మధుర కవితే ఈ భావకవిత్వం .... 

ఆది నుండి నేటి వరకు ఒక వెలుగు వెలుగుతూ వస్తున్న ఈ భావకవిత్వమంటే నాకు చాలా ప్రీతి... 

శ్రీమతికి ప్రేమలేఖ.. 

**************

శ్రీమతికి ఏమని ప్రేమలేఖ వ్రాయను 

చిలకమ్మా చెప్పవే సిగ్గు వీడి..!!

పూవులారా చెప్పరే నా సఖికి నేను 

మనసు విప్పి వ్రాయ దగిన మాటలు మీరు.. !!

అన్నమన్నమాట నే మరచితిని.. 

దానిపైన నాకు హితవు తప్పిన దెపుడో 

నా లోని అనురాగం ఒక క్షణమైనా 

నిన్ను నిల్వనివ్వదు ఒంటరిగా ఒక చోట.. !!

నా కంటి రెప్పలు నీ కొరకై ఎదురు చూతును 

గడచిన ప్రతీ నిమిషమును నే లెక్కింతు 

కలనైనా నిను చూడగ నే కోరుదు.. 

కలుగదే అంతటి భాగ్యం నాకు.. 

నాకన్నా నీకు ఆ భక్తే గొప్పదా.. 

నాకన్నా నీకు ఆ దేవుడే మిన్నా.. 

నను చేర బిర బిర మని రావే ప్రియా.. 

నా గుండెలపైనే వాలిపోవా..!!

నీ కొరకై 

శకమైనా.. 

సహస్రమైన 

ఎదురుచూపులాపను..

కనులు మూసే లోపల 

కళ్ళముందుకు 

బేగి వచ్చేస్తావ్ కదూ.. !!

Written by: Bobby Nani