Monday, August 8, 2016

జీవితం ...


జీవితం
జనన మరణాల మధ్య
కాలం వ్రేలాడగట్టిన
ఓ కాంతి రేఖ..

జననం ఒక మరణం లేని ప్రశ్న..
మరణం ఒక జననం లేని ప్రశ్న..
సమాధానం లేని రెండు
సంపూర్ణ ప్రశ్నలకు
సమాధానం చెప్పడానికి
సందేహాల బోనులో నిలబడ్డ
సాక్షిలాంటిది ఈ జీవితం..

అబద్దం చెప్పదు ..
సత్యం తెలియదు..
ఎన్ని జీవితాలు..
ఎన్నెన్ని జీవితాలు !!
ఎన్నెన్ని సాక్ష్యాలు.. !!

కళ్ళులేని కాలం
చెవులు లేని కలంతో..
నోరులేని కాగితాల మీద
కన్నీటి అక్షరాలతో
అన్నీ వ్రాసుకుంటున్నది

అయినా తీర్పు లేదు..
అభియోగంలో మార్పు లేదు..

జనానికి మరణం శిక్ష..
మరణానికి జననం శిక్ష..
ఉభయ శిక్షలను తానే అనుభవించే
న్యాయం లేని జీవితం మనది..
నిబద్దత లేని చట్టాలు మనవి..
నీతి లేని రాజకీయం మనది..
ఎంతైనా స్వార్ధపూరిత మనుషులం కదా...


Bobby Nani

No comments:

Post a Comment