మరణ పర్యంకము ....

నేలపై నిస్తేజంగా పడివున్న పూలు పాడె పై నిర్జీవంగా పడివున్న దేహం తలసి తలసి అలసిన తడి కన్నులు, తడారిన ఆక్రందపు గొంతుకలు ఎత్తేందుకు సిద్దమౌతున్న కొన్ని సేతులు సాగనంపేందుకు ఎదురుచూస్తున్న కొన్ని కళ్ళు ఇదే మానవ మరణ పర్యంకము...! అనుభవించి తీరాల్సిన చిట్టచివరి ఘట్టము..!! చావుకంటే భారమైన జీవనాన్ని ఎన్ని చూసుంటుందో ఆ పార్ధీవ దేహం నవ్వకపోయినా నొత్తలు పడిన చెంపలు మోడుబారిన ఎండు బెరడులా ముడతలు పడిన ముఖము నిర్మలత్వపు ఎండమావిలా ఎంత ప్రశాంతంగా పడివుందో..!! వెన్ను వణికించే హిమ పేటికలో సైతం ఎంత హుందాగా పవళించిందో ఒక్క చోట తిన్నగా కాలు నిలబడక కలియ తిరిగిన ఆ మేను ఇలా ఎండిన మ్రానై పడుంది చూడు..!! దీపం ఉన్నప్పుడే ఇల్లు సక్కబెట్టుకోవాలే ప్రాణం ఉన్నప్పుడే కండ్లలో పెట్టుకోవాలే.. హృల్లేఖ నేత్రాలతో ఇప్పుడు నువ్వెన్ని కన్నీటిబొట్లు రాల్చినా ఏం ప్రయోజనం..!! Written by: Bobby Aniboyina Mobile: 9032977985