హంసయాన

 

హంసయాన

**********

వెదురు కర్రను వేణువుగా మార్చి

వేణుగోపాలున్ని వెర్రిగోపాలున్ని చేస్తివి

వేణువై, విపంచివై,

నాదమువై, నిస్వనమువై

నను లాలించగరావే నా భావగీతికవై..!!

రాగాలు పలికించు పెదవంచున

పిల్లనగ్రోవిగ నను జేసి

కోకిల రావాల కిలకిలల ఆమనివై

మొహనివై, కల్యాణివై,

హరివిల్లువై, కలహంసవై

నను మురిపించి మైమరిపించగరావే

నా మధుర గీతికవై..!!

కలువ

కన్నుల చూపులతో కనికట్టు నొనరించి

నోటి మాటలతోనే మంతరించుచుంటివి

పిలువకుండనే ఎదలో పీటేసి కూర్చుంటివి..!!

ఏమనుచు చెప్ప నా గాధ ..

ఎదనేమో పడరాని ఈ బాధ..!!

బుగ్గపై చిటికేసి

ముంగురుల నెగదోసి

జాలి చూపుల రాలు

నీలాలు వెలబోసి

దోర పెదవి రాల్చు

మాట మాటల్లో

నా మనసంత కోసేసి

నవ్వుతూ నవ్వించి

కొంటెగా కవ్వించి

సమ్మోహించే కలువ కన్నులతో,

శీతల చందన మలరిన నునుబుగ్గల సిగ్గులతో,

బేడిస చేప చంచలములతో,

ఒయ్యారి హంసయాన రసచుంబన కైంకర్యములతో,

నెలవంకల భంగిమలతో,

లేత సంపెంగ తీగల భుజ బాహువులెత్తి

చంకన చనుగుబ్బలు

గుండ్రని పూబంతుల ఎద సొత్తులై

విరాజిల్లు వేళ,

కుచ సౌందర్య మొనలపై

మిశ్రిత వర్ణపు బొండు మల్లియలు

నిక్క బొడిచి నీల్గిన వేళ,

నత నాభీయమున

నిత్య హోమము జరిగెడి వేళ

అవ్యక్త భొతిక ద్రవ్యాలతో నీ దేహం

సమ్మోహన పరిమళాలు ప్రసవించు వేళ

నఖశిఖ పర్యంతం నిను

కన్నులతో ఆఘ్రాణించు వేళ

నీ ఆధర చుంబనారాధితుడనై

మైమరిచి వినీలాకాశ వీధుల్లో

విహంగమై విహరించు వేళ

నీ అణువణువునా అందములే,

అంద చందములే !

ఆనంద నందనములే..!!

అరటాకు నడుమొంపును

ఊగి ఊగి ముద్దిచ్చే ఆ తడి కురులు

చవితి చంద్రుని వంటి ఆ నితంబ పీఠములు

ఏమాటకామాటే

ఆమెలోని సాత్విక సౌష్టవములు జూచి

నా మానస ప్రవృత్తి

కందళ తాళ ఆనంద నాదములతో మున్గి తేలుతూ,

చతుర్ధావస్థతో ప్రతిధ్వనులు గావిస్తున్నాయి..!

ఏమనుచు చెప్ప నా గాధ ..

ఎదనేమో పడరాని ఈ బాధ..!!

Written by: Bobby Aniboyina