ఓ వాలుజడ
ఎంత ధన్యురాలివే నీవు
ఎన్ని భోగ భాగ్యాలే నీకు
పడతుల సౌందర్య అభిలాషవు,
ప్రణయానికి ప్రతిబంధకానివి,
పరిణేతల ప్రాణ సంకటవు,
అందుకే కదా
ఇన్ని ఒయ్యారాలు పోతావు
మల్లెల మెడను అంటి పెట్టుకొని
నదిలా వెన్నునంటి,
బాహులతికలను ఆక్రమించి
హృదయ గోపురములను ఆర్తిగా స్పృశించు..చూ,
ఇరుకైన కలుశముల మధ్యన సౌఖ్యముగ నలుగుతూ,
మొగ్గవంటి నాభి పై మోదుగ పువ్వారులై వికసించి
అరటాకు నడుమును అర్ధ చంద్రాకార కౌగిళ్ళన బంధించి
మధుర సైకత కటీరముల మధ్యన నిక్క నీల్గి
నర్తించు కోమలాంగి పాదమ్ము లయబద్దపు
సరిగమల గమకములకు కదలాడు
నవీన భంగిమన్ కల్గు నీ
జన్మ ఎంత ధన్యమైనదే..!!
ఓ వాలుజడ నిజంగానే
ఎంత ధన్యురాలివే నీవు
ఎన్ని భోగ భాగ్యాలే నీకు..!!
Written by : Bobby Nani
No comments:
Post a Comment