రుచిరాంగి...

 ఉత్ప్రేక్షాలంకారముతో కూడుకున్న గజగమన వర్ణన ఇది..ఇందులో పదాలు మీకు కొన్ని అర్ధం కాకపోవచ్చు... కావు కాబట్టే అది గజగమన వర్ణన అయింది..

నిఘంటువు దగ్గర పెట్టుకుంటే కొంతమేర అర్ధం అయ్యేందుకు అవకాశం వుంది.. ఒక స్త్రీని వర్ణించాలంటే ఆమెకు ముందుగా కృతజ్ఞతలు తెలపాలి.. ఊహల్లో ఏర్పరుచుకున్న రూపవతి అయినా సరే ఆమెకు కృతజ్ఞత చెప్పి తీరాలి.. ఎందుకంటే అంతటి సువర్ణ శోభితమైన దేహాన్ని వర్ణించే అవకాశం కల్పించినందుకు.

ఊహాజనితమైన నా “రుచిరాంగి” పై చిరు వర్ణనను ఆమెకు ప్రేమతో అర్పిస్తూ ..!!

రుచిరాంగి

*********

వెలుగు విరజిమ్ము అందాల దివ్వెవి

కవుల మనసు గ్రోలు ఘన ఘృతాచివి

దివ్యలోకాల రసమయ సుర దీప్తివి

రసికత ఉప్పొంగు జనతకు రస రాజ్ఞివి

మన్మధ బ్రహ్మను సేవింపు నర్తనమున

నాట్య విన్యాస శ్రుతి లయల్ తాండవించగన్

సరస సంగీత సాహితీ జరులు కురియ

తుచ్చమగు మేని సుఖమున తూలితూగి,

మనసు,

బుద్ది,

ఆత్మ మోహనమున మత్తిల్లు వేళ..!!

పడతి కనుదోయి వలపు క్రీగంట చూపు

ప్రణయ చెక్కిళ్ళు చనుదోయి నడుమున తీరు

పాలభాగమున ముంగురుల్ పడుచుదనము

నునుపు తీర్చిన పిరుదుల తనువుసొగసు

సిగ్గుపడని దేహమే స్త్రీకి లేదు

లేనే లేదు....లేదే లేదసలు..!!

నిచ్చెలి సొగసు నీలవేణి యశస్సు

ఏమాటకామాటేనే గజగమనా..!!

నెలవంక నడుమొంపు

పున్నమి చంద్రుని నితంబ పీఠములు

నడుము తీగపై నాభీయ కుసుమం..!!

నిక్కబొడిచి నీల్గు మిశ్రిత వర్ణ

పాలిండ్ల బింకములు

నవనీతపు మేనుతో ప్రకాశించువేళ

ఆపాదమస్తకము కన్నులతో ఆఘ్రాణించు వేళ

దందశూకమై పెనవేయ ఎద కౌగిళ్ళను ఆస్వాదించు వేళ

మునిపంటి పెదవితో పూ రెమ్మలను చుంబించు వేళ

అవ్యక్త భౌతిక ద్రవ్యాలతో తనువంతా

సమ్మోహన పరిమళాలు ప్రసవించు వేళ

నీలా వినీలాకాశ వీధుల్లో

మైమరిచి దధి మధనధ్వనులతో మిళితమై

కందళ తాళ ఆనంద తన్మయత్వ నాదములతో

తకదిమ్మి తద్దిమ్మి యను నీ యౌవ్వన కర్మాగారాన్ని

మేహనముతో దట్టించు వాడేవ్వండే..!! వాడే ధన్యుండే ..!!

Written by: Bobby Aniboyina

Mobile: 9032977985