నన్ను గెలవాలనే చూస్తుంది..
నా స్వార్ధం నాది నీ స్వార్ధం నీదంటుంది..!!
ఇచ్చే శాశ్విత బిరుదు “ముసలివాడు”
నా అనుకున్న నా వారికి నేనంటే లెక్కేఉండదు
పోయాక మాత్రం పెద్ద పెద్ద గోరీలు,
ఇప్పటికి వాళ్ళను నేను క్షమించాల్సిందే..!!
నా వాళ్ళు ఎవరైనా వచ్చి ప్రేమగా
రెండు వాక్యాలు రాల్చితే చాలు
అకస్మాత్తుగా నా నేత్రాలు ప్రకాశిస్తాయి
అమ్మ పొత్తిళ్ళ మధ్య చలికి ఎర్రగా
వొణుకుతున్న కళ్ళుతెరవని శిశువులా మారిపోతాను..
ఈ వయస్సులో కావాల్సింది అదే గా మరి..!!
నేనో వేదాంతిలా మారి అనంతాకాశ శూన్యంలోకి
ప్రశ్నల శరములు సంధిస్తుంటాను
మనసుకు ఎన్ని గాయాలైనా నేను మాత్రం
స్వప్నాల మధ్య విహరిస్తుంటాను..!!
నిత్యం రాలే నా అశ్రుపుష్పాల మధ్య నా ఈ జీవితం
ఊహించని లోతుల్ని కనుక్కుంటుంది..!!
No comments:
Post a Comment