నవ కుసుమం ..
***********
పూచిందొక నవ కుసుమం
పుప్పోడుల సుగంధములతో.. !
మకరంద్రపు కాల్వలు కట్టి
మాధుర్యములను విరిసింది..!
కోటి కోటి నవకాంతులతో
కోటి కోటి పూ రేకులతో..!
ఝం ఝామ్మని ఆడే తుమ్మెద బారులు తీయ్యంగా
కమ్మంగ నాట్యములను ఆడెను..!
ఎఱ్ఱని పూ రేకులన్ని ఎగిరి
తరులు, గిరులను నిండి..
రక్తాక్షరముల వలె నింగిని
రమ్య పంక్తులుగా ఉదయించెనుగా ..
పండుటాకులన్నియూ రాలి
క్రొత్త చివురులు, పచ్చదనములతో
ప్రకృతిమాత ప్రసవ వేదన గావించి
కానుకగా ఇచ్చెను నూతన శోభ..ఈ ధరణికి
పచ్చి బాలింతగా మారెను ప్రకృతి మాత
పెనుచీకటి మూసెను జగమున
ప్రేమ మందిరముగా మారెను
ఆకలి, అజ్ఞానము, పీడన
అంతరించే ..! ఈ ధర నుండి..
ప్రసవ వేదనను భరించి కానుకగా ఈ
మానవాళికి అర్పించిన ప్రకృతి మాత బిక్ష మనకీ అమూల్య ధరణి...
Bobby Nani
No comments:
Post a Comment