డైరి లో ఓ పేజీ ..

డైరి లో ఓ పేజీ .. 

అందం తనమీద రాయమందో కవిత... 

చందనపుపూత లేని అమ్మాయి కోసం.. 

ఆరోగ్యమైన జవరాలి కోసం, చెలువ పిల్లకోసం.. 

యెక్కడని వెతకను ఏ కొలతన కొలవను.. 

అద్దాన్ని అడిగా తనే అందమంది.. 

అద్దమే అందమైనప్పుడు అన్నీ అంతేగా.. 

ఉండాలేమో మరి అందరికీ అద్దంలాంటి మనసు.. 

మనల్ని మనలాగే చూసుకుపోయే సొగసు.. 

అద్దాలమేడలో వున్నది అందమైనదైపోతుందా ..? 

అద్దం అందమైతే రాయికెందుకు అంత లోకువ.. 

రాలిపోతే, పాలిపోతే పగిలేనే భళ్ళున ..

ఆడపిల్ల, అద్దమూ రెండూ పెళసరే .. ఆదమరిస్తే అంతే.. 

ఏది మంచో లెక్కలేవి ఎందుకొచ్చిన చిక్కులివి.. 

నా ఊహల్లో రాతికి సైతం పోయలేనా ప్రాణము.. 

పుట్టినప్పుడు పురుడు పోసిన మిస్సమ్మ లా .. 

బళ్ళో కెళ్ళే బుజ్జోడి టీచర్ లా.. 

కాలేజి కుర్రోడికి .. ముందు బెంచి అమ్మాయిలా.. 

నాకెప్పుడు కనిపిస్తావో అందమా.. 

అమ్మ నుదిటిన బొట్టులా.. 

పల్లెగట్లమ్మట నీడ పంచే చెట్టులా..

కొబ్బరి ముక్క పగలకొట్టి పెట్టే గుడిమెట్టులా ..

మారుతున్న ఈ కాలంలో మళ్ళి నిను చూస్తానో లేదో అందమా.. !

అందమంటేనే మిస్సైన బంధమా.. !

కలల్లో ననుతాకే భావనా గంధమా.. !

అక్షరాల పలకరింపుతో ప్రపంచాన్ని పరిచయం చేసే గ్రంథమా... !

అసలు నువ్వెవరు అందమా.. !!

నను కన్న ఆనందమా.. లేక నే కనుగొన్న స్నేహమా.. ?

నా కడుపున పుట్టిన ఆనందమా.. లేక అంతుపట్టని ఓ అపురూపమా.. 

అసలు నువ్వెవరు అందమా.. ?? 

Bobby Nani