భగవంతుడెక్కడ ??

భగవంతుడెక్కడ ?? 

ఈ ప్రశ్న వేసుకోనివారు వుండరు.. ఏదో ఒక సమయంలో, ఏదో ఒక సందర్భంలో ఈ ప్రశ్న మన మనసులో మెదుల్తుంది.. అలాంటి ప్రశ్న కోసం నాకు తెలిసిన నా ఈ చిరు సమాధానం ఇది.. 

నా దృష్టిలో భగవంతుడు అంటే “ ప్రేమ “ 

ఆ ప్రేమ ఎలాంటిదంటే... 

మన రూపం తెలియకముందే మనల్ని ప్రేమించే తల్లి, తండ్రి ప్రేమ.. 

తన ప్రాణాన్ని అడ్డుపెట్టి ప్రసవించిన ఓ మాతృమూర్తి ప్రేమ.. 

తన ప్రాణం ఉన్నంత వరకు బిడ్డ భవిష్యత్తు కోసం పరుగెడుతూ తపనపడే ఓ తండ్రి ప్రేమ.. 

మనల్ని మనల్ని గా చూసి ఇష్టపడే ఓ ప్రియుడు/ప్రేయసి ప్రేమ.. 

ఏ బంధమూ తెలియకుండా మనతో అన్నీ పంచుకొనే మిత్రుడు/మిత్రురాలు ప్రేమ.. 

నూరేళ్ళ జీవితానికి అన్నీ తానై మనలో సగమై మనతో నడిచే ఓ అర్ధాంగి/అర్ధగ్నుని ప్రేమ.. 

అనేకానేక సమస్యలతో ఇంటికి వచ్చిన తండ్రిని నాన్నా అంటూ వచ్చి, తన చిట్టి చేతులతో చుట్టేసే ఓ పసి ప్రేమ.. 

ఎక్కడో దూరాన వున్న సోదర /సోదరీల క్షేమసమాచారాల ప్రేమ.. 

సెలవులలో ఊరెల్లినప్పుడు తాతయ్య, నాయనమ్మలు కురిపించిన వాత్సల్యపు ప్రేమ.. 

ఈ ప్రేమలన్నిటిలోనూ భగవంతుడు ఉన్నాడని నమ్ముతాను నేను... మనం ఒకరిని అమితంగా ప్రేమిస్తున్నప్పుడు అది వారికి ఒక కవచమై ఉంటుందని తెలుసా.. ఆ కవచమే భగవంతుడు.. 

భగవంతుడు అంటే రక్షణ అని అర్ధం.. అలాంటి రక్షణ ఇంతమంది స్వచ్చమైన ప్రేమలో ఉంటుంది .. వారిని, వారి ప్రేమను కించపరచకండి.. వీలైతే గౌరవించండి.. 

స్వస్తి ____/\___

Bobby Nani