లక్షల కోట్లు ప్రజాధనం గుంటనక్కులు గుమిగూడి మేస్తున్నాయి... ఏమీ చెయ్యలేమా ??

ప్రజాస్వామ్య దేశం.. వహ్ వినడానికి సమ్మగా వుంది... ప్రజలను పాలించాల్సిన వాళ్ళు ఖరీదు కట్టలేని హిమ గదులమధ్యన... వారిని ఎన్నుకొన్న ప్రజలేమో మురికి వాడల్లో... 

లక్షల కోట్లు ప్రజాధనం గుంటనక్కులు గుమిగూడి మేస్తున్నాయి... ఏమీ చెయ్యలేమా ?? 

ఈ ప్రశ్న వయసుకు వచ్చిన ప్రతీ ఒక్కరిలో మెదలాలి... 

ఈ మధ్యకాలంలో పేపర్ లో వస్తున్న వార్త A.C.B. (ANTI-CORRUPTION BUREAU) వారు వీళ్ళను పట్టుకున్నారు... వాళ్ళను పట్టుకున్నారు అని .. వినడానికి చాలా బాగుంది .. కాని ఎప్పుడు విన్న, కన్నా పలానా గవర్నమెంట్ ఉద్యోగి ఇంత మొత్తం తీసుకుంటూ దొరికిపోయాడు, అక్రమ లావాదేవీలు లెక్కకు మించి అతనివద్ద వున్నాయి అని చట్టానికి అప్పగిస్తున్నారు.. ఈ విషయంలో A.C.B. (ANTI-CORRUPTION BUREAU) వారిని ప్రశంసించాల్సిందే ...

దానికి ముందు నాదో చిన్న సందేహం..

ఒక సాధారణ గవర్నమెంట్ ఉద్యోగే ఇంత డబ్బు కూడబెడుతున్నప్పుడు ఒక నాయకుడు ఇంకెంత కూడబెట్టాలి.. ??

ఇప్పటివరకు ఒక నాయకుని దగ్గర ఇంత అక్రమ లావాదేవీలు వున్నాయని ఏ అధికారి అయినా కనీసం తెలుసుకోగలిగాడా ?? 

ఆ ధైర్యం చెయ్యగలిగాడా ?? 

ఏం ?? 

నాయకుని తాకాలంటే ప్రోటోకాల్ అడ్డు వస్తుందా ??

ఆ ప్రోటోకాల్ కోసమే కదా తన ఆస్తులను కాపాడుకోవడానికి కోట్లు రూపాయలు బిస్కెట్స్ ప్రజలకు వేసి, ప్రగల్భాలు పలికి నిచ్చెన ఎక్కి కూర్చుంటున్నారు .. 

ఒక ఇంగ్లీష్ శాస్త్రవేత్త మన ఇండియన్స్ గురించి అన్న ఒక మాట “ఒక గొర్రె ముందు పోతుంటే మిగిలిన గొర్రెలు కూడా దానివెనుక ఏమీ తెలుసుకోకుండా వెళ్ళడం” మనల్ని గోర్రెలుగా ఇందుకే అన్నాడేమో 

కులంపేరుతో ఓట్లు, 

ప్రాంతం పేరుతో ఓట్లు, 

మతం పేరుతో ఓట్లు, 

సారా బుడ్డిలకోసం, 

సాని దొరసానుల కోసం, 

పచ్చనోటు కోసం మనం వేసే ఓట్లు మనకు మనమే గోతులు తీసిపెడుతున్నాయి.... ఒక సామాన్య నిరుపేద కుటుంబానికి నాయకులు ఇచ్చే నోట్లు ఆ సమయానికి వారికి ఏంతో అవసరం. దానివల్ల వారు ఇలాంటి ఓట్లు వెయ్యాల్సి వస్తుంది.. మన బలహీనతలు వారికి బాగా తెలుసు ...

“ఎద్దు పుండు కాకికి ఫలహారం అంటే ఇదే”.. ఈ ఒక్కరోజు పబ్బం గడిపేందుకు మనం కక్కుర్తి పడుతున్నాం .... ! 

దాన్ని వారు 5 ఏళ్ళ పాలనకు పెట్టుబడిగా వాడుకుంటున్నారు.. 

ఎవరిలో వుంది నిజాయితి ఇక్కడ.. ?? 

మనం ఇలా ఉన్నంతసేపు వారు అలానే వుంటారు అది వారి నైజం.. 

మన బుద్దే మారాలి.. 

ఒక కూలి ఎండనక వాననకా రెక్కలు ముక్కలై కష్టపడి పనిచేస్తే సంధ్యాస్తమ సమయానికి వాడికి ఇచ్చేది 400 అక్షరాలా నాలుగు వందల రూపాయలు.. అది కూడా రోజూ ఉంటుందా ?? ప్రశ్నార్ధకమే ...

అవినీతి అనే పురుగు మన స్వతంత్ర భారతదేశాన్ని కొంచం కొంచం తినేస్తూ వుంటే ఒక సామాన్యమానవునిగా మింగుడు పడట్లేదు ... ఇక్కడ ఇలా ఈ పోస్ట్ నేను రాయడం అర్ధంలేని వ్యర్ధం అని తెలుసు కాని హృదయంలో రగులుతున్న అగ్ని ఆరనంటోంది .. 

నిన్నట్నుంచి చూస్తున్న ఎవరి టైంలైన్ లో చూసినా సినిమాల గురించే .. సినిమా టిక్కేట్లుకు పడ్డ శ్రమను మీరు పై విషయాల మీద కేంద్రీకరించి వుంటే మన దేశం మరోలా ఉండేదేమో.. అదేమంటే కూసంత కళా పోషణ వుండాలి అని ఎదవ సెటైర్లు .. కళా పోషణ అనేది ఉండాలి. అది హద్దులలో వుండాలి అనేది నా అభిప్రాయం.. సినిమా తీసేటోల్లు, యాక్ట్ చేసేటోల్లు అందరూ బాగుంటారు నాకిపోయేది మనమే .. !! 

సొ సినిమాను సినిమాలానే చూడండి .. అందులో మనకు కావాల్సిన మంచి విషయాన్ని మాత్రమే గ్రహించండి.. మిగతాది వదిలెయ్యండి.. నిజ జీవితంలో మన మధ్య ఏం జరుగుతుందో కూసంత పట్టించుకోండి .. భాద్యతాయుత పౌరులుగా మెలగండి.. ఈ దేశం నీకు ఏమీ ఇవ్వలేదు అనుకోకండి.. నిన్ను ఎన్నో సంవత్సరములు భరిస్తుంది అదే ఎక్కువ.. మనమే ఈ దేశానికి ఎమివ్వగలమో ఆలోచిద్దాం.. మన రాబోవు తరాలవారికి ఒక మార్గాన్ని, నిర్దేశాన్ని అందిద్దాం..

స్వస్తి.. ../\...

Written by : Bobby Nani