ఆరితేరిన వేటగాడు ..

జన సంఘర్షణల్లోంచి 

మనోగర్షణల్లోంచి 

జనియించేదే జీవ కవిత్వం.. !

విశ్వమే దాని పరివాహక ప్రాంతం..!

సత్యమే దాని ప్రాకృతిక సూత్రం..!

అది 

సామాజిక మంత్రదండం 

వైజ్ఞానిక కమండలం ..!!

మరి కవిత్వం అంటే.. ?? 

కుతంత్రాలను విప్పి చెప్పేది.. 

కరకు కరవాలాన్కి పని కల్పించేది.. 

మరి కవి.. 

జీవితపు లోతుల్ని తాకి చూసేవాడు.. 

అమృత విషాల్ని గ్రోలి తెలిపేవాడు.. 

అతడెలా ఉంటాడు .. ?? 

అనుభవాలలో ఆరితేరిన వేటగాడు 

అతను పంపే ఒక్కొక్క పదం

పులి గుండెల్లో లోతుగా పాతుకుపోయే 

పదునైన బాణం లా 

భావకుల హృదయాలలోకి చొచ్చుకుపోతుంటుంది.. !!

Written by : Bobby Nani