ఓ గులాబీ కుసుమమా, ఎంత అదృష్టమే నీది... !!

ఓ గులాబీ కుసుమమా .. 

ఎంత అదృష్టమే నీది... 

నీ జీవితకాలం కొన్ని గంటలే .....అయినప్పటికీ.. 

ఎంత మందిని ఆకట్టుకుంటావో, 

ఎంత మందిచే అభిమానింపబడతావో, 

వేకువన వికసించి అస్తమయానికి రాలిపోయే 

క్షణమున కూడా నిండుగా నవ్వుతూ కనువిందు చేస్తావు.. 

కోమలాంగుల కొప్పుల్లలో సొగసుగత్తెలా కూర్చుంటావు .. 

తొలిరేయి తనువుల తమకములలో నలిగి నిట్టూర్పులూదుతావు.. 

చిట్ట చివరి మానుష యాత్రకు ఆఖరి ప్రయాణమై ఓ ఓదార్పువౌతావు .. 

శుభ, అశుభ కార్యాలలో మానసిక సంజీవనివౌతావు.. 

భగవంతుని పాదాల చెంత ఆనంద పారవశ్యమౌతావు.. 

నీలా ఒక్క రోజు కాదు.. 

ఓ ఘడియ బ్రతికినా చాలునే..!!

Written by : Bobby Nani