నాటకం..

జీవం లేని

పీనుగు ముఖాలవంటి

ఈ అవర్ణపు లోకంలో నీ

మనుగడ ఓ ప్రస్నార్ధకమే..!!

అంతటా నాటకమే మరి

నీకు తెలియకుండా

నువ్వాడే నీ బ్రతుకే ఓ నాటకం

రంగులు పులుముకుని రోజుకో వేషం

నవ్విస్తావ్,

ఏడిపిస్తావ్,

నమ్మిస్తూ మోసంచేస్తావ్

పడక దిగినది మొదలు

పడక చేరేదాకా బ్రతుకు పాత్రలో

అలరిస్తావ్, మురిపిస్తావ్, మైమరిపిస్తావ్

పగలూ, రేయీ నడుమన

పడుతూ, లేస్తూ సాగే ఓ

అద్బుత కథలోని మహా నటులం..!!

కష్టాలు, కన్నీళ్ళు,

ప్రేమలు, స్నేహ బంధాల

చిక్కుముడులతో రాసిన

అద్భుత కథలోని నటీ నటులం

ఎవరి బ్రతుకూ వ్యర్ధం కాదోయ్..!

ప్రతీ పాత్రదీ ఓ సముచిత స్థానం..!!

ఇన్ని చేసేవాడివి

బాధతో, నిస్సహాయంగా

ఎందుకు ఉన్నచోటే ఉన్నావ్ ?

కదిలే కాలమూ,

ఎగసే కెరటమూ,

ఉదయించే కిరణమూ,

ఎప్పుడైనా విశ్రాంతి

తీసుకోవడం చూసావా ?

లే..

కదులు..

గర్జించే సంద్రం వలె

ఉరిమే ఆకాశం వలె..!!

ముసలితనం నీకే

నీ అక్షరానికి కాదు..

చావు

ఏ క్షణాన ఎదురుపడినా

ఒక మారు సంతోషంగా

కృతజ్ఞతలు తెలుపుకునే అవకాశమివ్వు..!!

అదే జీవితం..!!

Written by: Bobby Nani