Sunday, October 2, 2016

ఈ నిత్య, నూతన వధూవరులను ఆశీర్వదించగన్ ...



మల్లెలు విరబూసిన సొగసే నీది...
సన్నజాజి సంధ్య వెలుగుల సౌందర్యమే నీది...
సంపెంగెల వలపుల సోయగమే నీది...
ఆ యెర్రని మందారపు అధరముల చిరుమంద హాసముతో ..
పారిజాతపు పరిమళ పరువాల పారవశ్యముతో ...
పచ్చని తోరణాల మధ్యన, పసుపు వస్త్రములతో..
పెండ్లి పీటలపై ...
కనకాంబరాల కన్య జ్ఞాన నేత్రాన ..
పసిడి తలంబ్రాల తన్మయత్మంతో ...
సింధూరపు సిగ్గులోలకంగా ...
మంగళకరమైన మాంగల్యం నీ
మనోరంజిత కంఠముపై మెరవంగ ...
చూచెడి జనుల నేత్రములకు అందారవిందం గావించగా ...
మెరిసే ఆకాశపు తారలనక్షింతలుగా మలచి ...
ఈ నిత్య, నూతన వధూవరులను ఆశీర్వదించగన్ ...

Bobby Nani

No comments:

Post a Comment